KUKOSEKANA
kwa Uzio na Usalama hafifu katika uwanja wa michezo wa Samora mkoani Iringa imeelezwa kuwa ndio chanzo cha timu ya
soka ya Friends Rangers kupoteza mchezo
wake dhidi ya Lipuli uliofanyika uwanjani hapo
hivi karibuni kwa kufungwa bao 1-0.
Akizungumza
na wandishi wa habari mara baada ya mchezo huo kumalizika kocha wa Friends
Rangers Ally Mzozo alisema kuwa uwanja wa samora sio salama kutokana na
kutokuwepo uzio hali ambayo inapelekea mashibiki kushangilia hadi uwanjani bao
likiingia.
“Sheria za
TFF ziko wazi uwanja ambao hauna uzio usitumike,ni hatari kwa wachezaji kama
mashabiki wanashangilia watakavyo uwanjani,Tff na viongozi wa mkoa walitanzame
suala hilo”alisema mzozo.
Vile vile
mzozo aliongeza kuwa hali ya usalama katika uwanja wa Samora sio zuri ambapo
viongozi kwa wanatakiwa kushirikiana kwa pamoja ili kuhakikisha wanakuwepo
polisi wa kutosha uwanjani hapo wakati wa michezo mbali mbali.
Uwanja wa
samora mkoani Iringa unaitaji matengenezo makubwa ambapo moja ya vitu ambavyo
inatakiwa virekebishwe ni Sehemu ya kuchezea,uzio,pamoja na vyumba vya
kubadilishia nguo.
Chapisha Maoni