Simba wapata
ushindi wa kwanza Iringa
Na Alex
Mapunda,Iringa
Baaada ya
kuambulia sare mfurulizo katika ligi kuu ya Vodacom Tanzania bara wekundu wa
msimbazi Simba wameosha nyota yao kwa kuitandika Lipuli ya Iringa bao 1-0
katika mchezo wa kirafiki uliofanyika katika uwanja wa samora mkoani Iringa.
Katika mchezo
huo ambao Lipuli walicheza vizuri kuliko mechi zao zote ambazo wamewa kucheza
msimu huu katika ligi daraja la kwanza,
hadi dakika 45 za kipindi cha kwanza zilipokati timu hizo zilienda mapumziko
milango yote ikiwa imenuna.
Kipindi cha
pili kilianza kwa Mbwembwe na kasi kubwa huku kila timu ikiwa na uchu wa kutaka
kuibuka na ushindi,huku wakishuudiwa na mashabiki rukuki toka kona mbali mbali
za mkoani iringa alikuwa ni Elius Maguri aliyewainua mashaki wa Simba kwa
kufunga bao safi ambalo lilikwamishwa kimiani kwa umaili mkubwa Dakika ya 54 ya
mchezo bao ambalo lilidumu hadi dakika ya mwisho ya mwamuzi.
Baada ya
mchezo huo Katibu msaidizi wa Lipuli Ronjino Malambo aliwapongeza wachezaji wa
Lipuli kwa kucheza vizuri katika mchezo huo na kuwataka kuamishia makali hayo
katika mchezo dhidi ya Kimondo Fc toka Mbozi mbeya unaotarajiwa kuchezwa
wikendi hii.
Simba
wanatarajia kuvaana na mtibwa Sugar wikendi hii mkoani Morogoro ambapo
ikumbukwe kuwa hadi kufika hivi sasa mtibwa
anaongoza ligi kwa kufikisha pointi 13 wakifuatiwa na Azam fc wenye
pointi 10 huku Simba wakikamata nafsi ya 9 kwa kufikisha pointi tano baada ya
kuambulia pointi moja moja katika michi zao zote za ligi hiyo.
Chapisha Maoni