YANGA SC imetaja viingilio vya
mechi yao ya hatua ya 16 ya kombe la Shirikisho itayopigwa keshokutwa uwanja wa
Taifa Dar es salaam dhidi ya Etoile du Sahel ya Tunisia.
Mkuu wa Idara ya habari na
mawasiliano wa Yanga, Jerry Muro, leo amekutana na waandishi wa habari
makao makuu ya klabu hiyo, Mitaa ya Jangwani, Kariakoo Dar es salaam na kusema
kuwa kiingilio cha chini katika kipute hicho ni shilingi elfu tano (5,000) kwa
vitu vya rangi ya bluu na kijani.
Viti vya rangi ya Chungwa, Muro
amesema kiingilio ni shilingi elfu kumi (10,000) wakati VIP C ni shilingi elfu
ishirini (20,000).
Aidha Muro ameongeza kuwa VIP B
ni shilingi elfu 30,000 na VIP A ni shilingi elfu arobaini (40,000).
Tiketi zitauzwa uwanja wa Karume,
Billicanas, Feri, Buguruni Sheli, Dar Live, Stand ya mabasi ya Ubungo, Uwanja
wa Taifa, makao makuu ya Yanga makutano ya Twiga na Jangwani, Mwembe Yanga na
Tandika.
Yanga wameweka kambi Hoteli ya
Tansoma Dar es salaam na wanaendelea na mazoezi uwanja wa Karume na jioni hii
wapo uwanja wa Taifa.
Etoile du Sahel wanatarajia
kuwasili saa 9:00 alfajiri ya kesho na jioni watafanya mazoezi uwanja wa Taifa
Chapisha Maoni