Na Alex Mapunda,Iringa
TIMU ya soka
ya Maji Maji imefanikiwa kusajili wachezaji wawili toka nje ya Tanzania na
wanatarajia kuwasili hapa nchini Aprili 18 kumwaga Wino.
Meneja wa
timu hiyo God Mvula amesema wachezaji hao ni Kiungo Kessy Wamwata toka Ghana pamoja
na Mshambuliaji Sunday Banda toka Malawi.
Pia Mvula
aliongeza kuwa Maji Maji imezamilia kusajili wachezaji wazuri ili kuleta ushindani mkubwa katika ligi kuu
kwa kuwa wamechoka kushiriki katika Madaraja ya chini.
“kila timu
inapenda kucheza ligi kuu,na sisi pia tunapenda kucheza ligi kuu tena bila
kushuka machungu tuliyopata yanatosha sasa ni mwendo mdundo,Simba,Yanga na Azam
watatukoma”alisema Mvula.
Timu ya Maji
Maji ni moja ya timu ambazo zilifanya vizuri sana miaka ya 1980 hadi 2000
ambapo ilifanikiwa kuwakirisha nchi katika mashindano ya kimataifa mara tatu
mwaka 1985,86 pia 98.
Chapisha Maoni