GOR MAHIA MABINGWA WA LIGI KENYA

 

kenyaTimu ya Gor Mahia nchini Kenya ndio mabingwa wa Ligi msimu huu baada ya kuishinda kilabu ya Ushuru mabao 3-0.

Wakicheza mechi yao ya mwisho ya msimu huu Gor kwa jina maarufu K'Ogalo walihitaji kuishinda KRA ili kushinda taji hilo katika mechi hiyo iliyochezewa katika Uwanja wa Moi mjini Kisumu.

Licha ya timu zote mbili kuonyesha mchezo mzuri hususan KRA, mkwaju wa Eric Ochieng mwisho wa dakika za lala salama katika kipindi cha kwanza, na bao lililofungwa dakika chache za kipindi cha pili na mashambuliaji Dan Sserenkuma bila kusahau bao la tatu la Simon Mburu yalifanya mambo kuwa 3-0.

Katika uwanja wa Ruaraka jijini Nairobi,Elly Kalekwa na kikosi chake cha Sofa Paka walidhani kwamba wataicharaza Tusker FC huku nayo Gor Ikishindwa na wana Ushuru ili kuweza kubeba kombe hilo.

Lakini mambo yalienda segemnege upande wa batoto ba Mungu kama wanavyojiita Sofapaka ambao walipata sare ya 2-2 dhidi ya Tusker na hivyobasi kuyafanya mambo kuwa magumu zaidi.

NO	Team	M	PT
1	Gor Mahia	30	60
2	Sofapaka	30	57
3	Tusker FC	30	53
4	Ulinzi Stars	30	51
5	Chemelil Sugar	30	48
6	AFC Leopards	29	41
7	Muhoroni Youth fc	30	40
8	Thika United	30	39
9	SoNy Sugar	29	38
10	Mathare United	30	38
11	Western Stima	30	36
12	Ushuru FC	30	33
13	Bandari	30	30
14	KCB	30	29
15	Nairobi City Stars	30	24
16	Top Fry AllStars	30	17

View Full Table