Na Alex Mapunda,Iringa
TIMU ya Maji Maji toka Mkoani Ruvuma
imeendelea kung’anga’nia kileleni mwa
ligi daraja la kwanza kundi A baada ya hivi karibuni kupata ushindi mnono dhidi
ya watani wao wa jadi Jkt Mlale Toka songea vijijini wa bao 2-0 Katika mtanange
wa ligi daraja la kwanza uliofanyika kwenye uwanja wa Maji Maji songea.
Mchezo huo ambao ulikuwa na upinzani
wa hali ya juu kutokana na uhasama uliopo baina ya timu hizo Maji Maji
iliwachukua dakika 25 pekee kabla ya Mrisho Said kupachika bao la kwanza ambao lilidumu hadi kipindi cha
kwanza kilipomalizika.
Kipindi cha
pili Maji Maji waliendelea kuwasha moto
kwa kucheza kandanda safi la kuvutia na mnamo Dakika ya 75 kipindi cha
pili mchezaji maili Alex Kondo alifunga bao Safi mara baada ya kupokea pasi
safi toka kwa Mkongwe Fred Mbuna ambapo hadi dakika 90 zilipokatika wanalizombe
wakaibuka na ushindi wa bao 2-0.
Akizungumza
na championi Jumatatu Meneja wa Maji Maji God Mvula alisema baada ya mchezo huo
Mshabika wa timu ya maji maji waliungana kwa pamoja huku wakiimba Maji Maji
ligi kuu na hakuna wa kuwasimamisha.
Maji Maji
katika kunda A wanaongoza kwa kufikisha pondi 21 na wamebakiza Mchezo mmoja
mzunguko wa kwanza dhidi ya Kimondo Toka mbozi mbeya ambapo katika kundi hilo
wananyemelewa na Friend Rangers wenye pointi 19.
Chapisha Maoni