Jackson Mayanja wa Kagera Sugar
ambaye mechi ijayo kikosi chake kitakuwa wageni wa Ndanda mjini Mtwara,
Jumamosi alisema anajua ugumu uliopo kwenye mechi hiyo, lakini hayuko tayari
kuona Ndanda wanaipoteza.
Wakati kocha Tom Olaba wa Ruvu
Shooting akieleza: “Nimebakiza mechi na Prisons na Polisi Morogoro, ni michezo
migumu, lakini niwaambie mashabiki, nafasi ya kushuka daraja kwa kikosi changu
wasahau.
Kocha wa Polisi Moro, John Tamba
akieleza kuwa nafasi pekee aliyonayo ni kushinda mechi zake mbili zilizosalia
na si vinginevyo.
Naye Mbwana Makata wa Prisons
alisema anachokifikiria ni kujinasua katika jahazi la kushuka daraja na
kusisitiza kuwa anahitaji pointi tatu kwenye mchezo wao ujao na Mbeya City.
“Mbeya City na sisi ni kama ilivyo
Simba na Yanga, hivyo najua mchezo utakuwa mgumu, lakini tuko fiti
tunachokiangalia ni kutoshuka daraja.
Kocha wa Ndanda, Meja Mstaafu Abdul
Mingange pia alieleza kufikiria pointi sita katika mechi zake mbili na
kusisitiza kuwa bado ana nafasi ya kutoshuka daraja kama akishinda zote.
Chapisha Maoni