|
||||
Maji maji FC.
Miongoni mwa Timu ambazo zilitokea
kuwa tishio hapa nchini miaka ya 1980 hadi 2000 ukiachana na Simba na yanga kwa
wapenda soka lazima ataikumbuka Maji Maji ya Songea Maarufu kwa Jina la
Wanalizombe.
Maji Maji ambayo Ilizaliwa rasmi
mwaka 1977 kwa muunganiko wa timu mbali mbali mjini Songea chini ya Mwasisi wa
timu hiyo Dk Roulence Gama ilianza kupata umaarufu mkubwa mwaka 1980 mwaka
ambao timu hiyo ilipata nafasi ya kushiriki kwa mara ya kwanza ligi Daraja la
kwanza hapa nchini.
Jelamba viwanja imefanya Mazunguzo
Maalum na aliyewai kuwa Meneja wa Maji Maji Aly Mbalika Kuanzia mwaka 1997 pia
Meneja wa Sasa Godfrey Ambros Mvula ambao Baba zao walikuwa watu muhimu sana
ndani ya Maji Maji Miaka ya 1980, Kwanza mzee Mbalika anaanza kueleza histori
ya timu hiyo kuanzia mwaka 1980 hadi 2001;-
“Mzee Gama baada ya kuwasili Mkoani
Ruvuma alianzisha azimio la Mlale akiwa kama mkuu wa mkoa likiwa na maana ya
kilimo Pamoja na michezo lakini kwa upande wa michezo hakuenda mbali sana hasa
alilenga zaidi mchezo wa mpira wa miguu akaazisha timu ya Maji Maji na kujenga
uwanja Wa Maji Maji uwanja ambapo vyumba vyote vya uwanja huo aliwapangisha
wachezaji wa Maji Maji Na kuwanunulia fenicha.
“Timu hiyo kwa mara ya kwanza
ilikuwa chini ya kocha Mahili king Kibadeni ambaye aliiongoza timu hiyo na
ikaanza kupata umaarufu mkubwa kutokana na uwezo wa kipesa ambao timu hiyo
ulikuwa nao na kuweza wa kusajili wachezaji toka kila kona hapa nchini na
nje kutokana na mwenendo mzuri wa timu hiyo maji maji ilipata nafasi kuchukua
ubingwa wa muungano mara mbili mfululizo mwaka 1885 hadi 1886.
“Lakini mara baada ya Gama
kuhamishwa miaka ya 1990 timu ilianza kuteteleka ilikuwa chini ya mkuu wa mkoa
mwingine mh Banduka ambaye licha ya kufuata misingi ya Gama kuna kipindi
lilitoka Tamko kuhusu timu hiyo kujiendisha yenyewe ombi ambalo lilishindwa
kukubarika moja kwa moja lakini mkoa wakatoa kibari cha timu kujiendesha
yenyewe na wakasaidia kuipa uwezo wa kufanya Biashara kama kuuza mbolea
pamoja na bia ili kupata pesa ya kuweza kuikwamua timu na mwaka 1995 Banduka
akahamishwa na akaja Mama Anna Makina.
“Makinda aliikuta maji maji ikiwa
imeteteleka ambapo viongozi wa Timu wakamfuata na kumueleza kuhusu Azimio la
Mlale ambalo mzee Gama alilianzisha ambapo Mama Makinda akufumbia Macho
akalipokea kwa mikono miwili na kuanza kulifanyia kazi na akatangaza kufanya
kila kitu kuhusu Maji Maji.
“Kweli Maji Maji ikasajili wachezaji
wazuri na kila mchezaji kutimuziwa maitaji yake yote Ikiwa ni Pamoja na
kuwafungulia akaunti benki na kumwajili kocha ambaye alimlipa Laki
500,000 kwa mwenzi na akaamlisha kuwa kwa kila mechi ambayo Maji Maji watacheza
mapato ya uwanjani asilimia 70 zitaenda kwa wachezaji wakishinda ,sare asilimia
60 na wakifungwa asilimia 25 ili kuwapa faraja wachezaji na kutambua kazi yao
wawapo uwanjani.
“Uwezo wa Maji Maji ulipanda gafla
ambapo 1996 ikachua nafsi ya 4,mwaka1997 nafasi ya 3 na mwaka 1998 Maji maji
ikachukua ubingwa wa muungano kwa mara ya tatu chini ya wachezaji Bora
kabisa hapa nchini.ambapo mwaka huo wachezaji ambao walikuwa Tishio kwa timu
hiyo baadhi yao ni hao wafuatao;-
Shaib Kambanga,David Mjanja,Omari
Kapilima,Godfrey Kikumbizi,Jemes Mwagama,Stevin Mapunda,John Alex,Kelvin Haule
pamoja na Doyi Moke,
“Wengine ni Dello Ntumba,Omari
Hussein,WIlle Martin,Said Msham,Samson Poul, Hamis ngwena pamoja na Amri Said
kikosi ambacho kilikuwa bora hapa nchini kuwai tokea kwa timu ya
maji Maji ambacho ndicho kikawa kikosi cha mwisho cha ushindi.
“Miaka ya 2000 Makinda akaondoka na
akaja mweshimiwa Said Said Kalembo kama mkuu wa mkoa mpya ambaye akaondoa moja
kwa moja Mpango wa kuisaidia timu hiyo kwa asili mia 100 ambapo akatangaza rasmi
kuwa mkoa umefikia kikomo kuendelea kuisaidia Maji Maji na timu
hiyo itaendeshwa na wanachama kama katiba ya timu inavyosema.
“Tamko lile lilizoofisha sana Maji
Maji na wakajaribu kwenda kubembeleza lakini majibu hayakubadilika pia
wakajalibu kufikisha Taarifu kwa mweshimiwa Gama ambaye kwa kipindi hicho
alikuwa mweshimiwa mbunge,lakini gama ilisema kuwa kama mkoa umekataa kusaidia
timu mimi sina la kufanya na uwezo wa kusaidia timu kwa sasa sina ila
ninachokiomba mkateue watu maalum ili kwenda kubembeleza tena kwa mkuu wa mkoa
na akikataa mimi naamini Maji Maji haitakuwepo lazima Itashuka Daraja.
“Maji Maji ilijalibu kuwatuma wazee
kwenda kwa mkuu wa mkoa kubembeleza kwa Mara nyingine napo Majibu
hayakutofautiana na yale ya mwanzo na timu ikawa katika hali Mbaya na Mwaka
2000 timu ya maji maji ilishuka Daraja lakini Maji Maji wakawa wajanja
wakaipeleka Tff Mahakamani kwa kukiuka sheria.
“kitu ambacho Kilitokea Maji
Maji walishika nafsi ya tatu toka mwisho na toka miaka ya nyuma timu mbili
ndizo ambazo zilikuwa zinashuka Daraja lakini kwa msimu ule katikati ya ligi
TFF wakatangaza kuwa kuanzia mwaka huo timu tatu ndizo zingeshuka daraja
badala ya mbili na mwishoni mwa ligi Maji Maji wakashika nafasi hiyo ya Tatu
hapo ndipo wakaenda maakamani na kuwashitaki TFF kuwa walikosea badala
yake wangetangaza toka mwanzoni mwa ligi na sio katikati ya ligi Wanalizombe
wakashindi kesi hiyo lakini kutokana na kwamba maji maji ilikuwa katika hali Mbaya
Sana ikashuka Daraja Rasmi Mwaka 2001.anahitimisha mzee Ali Mbalika ambaye
alikuwa meneja wa timu ya Maji Maji kwa kipindi hicho.
Lakini kuanzia Mwaka 2003 katibu
mkuu wa Sasa wa cha mpira wa miguu manispaa ya Songea Bwana God Mvula
akateuliwa Rasmi kuwa Meneja wa Timu ya Maji Maji nafsi ambayo anaishikilia
hadi hivi sasa, na hapo anaendelea kusimulia Histori ya Maji Maji kipindi Cha
Utawala wake.
“Mwaka 2002 Maji Maji ikapanda
daraja lakini kutotana na timu kuendeshwa kwa mfumo wa kutembeza Bakuri
hali ilikuwa ngumu sana kuendesha timu ambapo mwaka 2005 timu ikashuka
tena hali iliyopelekea kwa timu hiyo kuwa katika mazingira magumu sana,ambapo
baada ya kushuka daraja timu ilipata wasamalia wema ambao walikuwa ni
wanaruvuma waishio Dar,wakafanya usajili wa nguvu na timu ikaweka kambi ya
kudumu Dar lakini mechi zake ilikuwa inachezea kama kawaida Songea na
wakafanikisha kuipandisha timu.
“Lakini Baadae wanacha wa Maji Maji
wakagawanyika na wengi wao wakadai timu irudi Songea hali ambayo ilisababisha
ugomvi mkubwa sana na wale wafadhili wakaachia timu na kumbuka mwaka 2007 timu
ilishuka daraja tena ambapo mechi ya mwisho tulicheza na Kahama United
tukafungwa bao 3-2 kwa kipindi hicho maji maji ilicheza kwa Takribani mechi
Tatu ikiwa na wachezaji saba pekee mara baada ya kutokea mpasuko kati ya
wanachama.
“Mwaka 2008 timu ikapanda tena
daraja mara baada ya kupigana kwa kutumia nguvu kubwa sana na ikafanya vizuri
kwa misimu ya hawali ambapo mwaka 2010 timu ilipata uzamini toka Caspian ambapo
ikapata vifaa vya michezo na pesa za matumizi ndani ya timu, lakini zikiwa
zimesalia mechi Tano ligi kumalizika ulitokea Ugomvi mkubwa sana kati ya
wanachama na uongozi wa timu mimi nikiwa kama meneja wa timu wanachama walidai
kuwa timu ilikuwa inafanya vibaya na ili kuinusuru wakaichukua na kuiweka
mikononi mwao na Sisi Kama viongozi Tukaamua kujiuzulu na wanachama wakateua
uongozi wao.
“uongozi wa wanachama ambao
uliendesha timu hiyo mwenyikiti alikuwa Bwana Haule makamu Hamis Ponela Huku
meneja wa timu akiwa ni Stivin Mapunda [Garrincha] ambapo wajumbe alikuwepo
Mathias Nyoni,Mponda Hamidu,Mr Sayuni pamoja na Said Mangwe.
“uongozi huo ambao ulifadhiliwa na
bwana Super feo,Ottawa pamoja na Mdaula kwa kutoa kiasi kikubwa cha pesa ili
kuinusuru Maji Maji hata hivyo Maji Maji haikuwa na bahati 2011 ikashuka
Daraja.
“Baada ya timu kusuka Daraja na
kupoteza kabisa mwelekeo Mimi na Henly Kabela tukaamua kuchukua timu na kuanza
kufanya usajili kwa juhudi zetu na tukaunda uongozi wa mpito kupitia kwa chama
cha soka Manispaa ya Songea [Sufa]ambapo Mwenyekiti alikuwepo Hamis Gayo,Mkamu
Benjamin Mwakasonda, katibu Henily Kabera,Katibu mwenezi Hossam Hassan Ulaya
huku Mimi mwenyewe God Mvula nikaendelea kubakia katika nafasi ya umeneja,na
mwenyekiti wa sasa wa timu Mwana Millanzi alikuwa Mjumbe wa Timu.
“Na tukaanza harakati za kuinasua
timu kupanda daraja ambapo hadi hivi sasa bado tunapambana ili kuhakikisha timu
inasonga mbele kwa kuwa timu imefanya usajili wa kweli baada ya uongozi wa
mpito Kumaliza Muda wake, Anasimulia Mvula Kisha anaendelea.
Hali ya Maji Maji kwa hivi Sasa.
“Bado ina hali ngumu kwa kuwa timu
ipo katika kipindi cha usajili na tunahitaji pesa za usajili ili kukamilisha
usajili na kuiendesha Timu Bajeti ya maji maji kwa mwaka ni Tanzania millioni
109 pesa ambayo bado haipo mfukoni na inategemea kupata toka kwa wanachama.
“Na sisi kama uongozi tumesha anza
kuchukua hatua mbali mbali ili ili kuhakikisha tunainusuru timu ikiwemo kusani
Mkataba na Kampuni ya Nssejere Sports Toka mchini marekani kwa ajili ya
kutengeneza vifaa vya michezo vyenye nembo ya timu ya Maji Maji ambavyo Tayari
baadhi ya vifaa vimeshaingia hapa nchini na vitauzwa kwa wadau wa michezo na
wanachama wa timu ya maji maji.
Inakoelekea Maji Maji
“Hivi karibuni sisi Maji Maji kwa
kushirikiana na Kampuni ya Mwandi ikiwakutanisha wadau wa soka mkoani Ruvuma
chini ya mkuu wa Mkoa Mh Saidi Thabiti Mwambungu walifanya mkutano na kufikia
mwafaka kuwa timu hiyo sasa imaenda kuvunja recodi hapa nchini kwa kuwa timu ya
kwanza kuendishwa kwa mfumo ya kumiriki hisa mchakato ambao umeshapamba moto.
“Na Akieleza katika Mkutano huo
ambao ilifanyika hivi karibuni Mjini Songea mwakilishi wa Mwandi bwana
Abel Ngilangwa aliziweka wanzi faida ya Timu Kuendeshwa kwa mfumo wa kampuni
ikiwa ni Pamoja na Timu kuwa na uwezo wa kumiriki Mali zake pasipo kuingiliwa
na mtu yeyote ambapo mtu yeyote ili awe na uwezo wa kuwa msemaji katika timu
lazima awekeze hisa kwa kuwa mfumo wa kampuni wanachama watabaki kama Rafiki wa
timu.
“Mkutano ambao ulifikia mwafaka na
mchakato wa Maji Maji kusajiriwa Kuwa Kampuni umeshaanza mara moja huku Bado
wakiwa wanaendelea kushirikiana na Tanzania mwandi ili kukamilisha zoezi hilo
na hisa za Maji Maji zitaanza kuuzwa mara Moja pindi watakapo kamilisha
usajiri.
“Wadau wa Maji Maji watarajie Ujio
Mpya wa Timu Yao ambao utakuwa wa kisommi zaidi na hapatakuwa tena na
ubabishaji ndani ya timu.
Mvula aliwai kusakatata Kabumbu.
“sikufanikiwa kuchezea timu kubwa
ila nilikuwa katika kiwango kizuli pindi nilipowa nachezea Bogota Fc na Power
Rangers Timu ambazo nilichezea hadi ligi Daraja la tatu ambaapo baadae
nikateuliwa kuwa Meneja wa Timu ya Maji Maji.
Tukio Analolikumbuka
“Nikiwa Meneja mwaka 2010 ulizuka
ugomvi mkubwa sana kati ya Maji Maji na Yanga Muda Mfupi Kabla ya Mechi mara
baada ya yanga kuvuja mlangu wa ofisi ya Club Ya maji Maji na kutokea katika
chumba ambacho Maji maji walikitumia kwa ajili ya kubadilishia nguo ili kuingia
uwanjani wakidai kuwa Milango ya kuingilia ndani ya uwanja wa Maji Maji
kuliwekwa dawa ili wao wafungwe.
“ulitokea ogomvi Mkubwa sana kiasi
kwama wanachama wa Maji Maji walitishia Kuwapiga Yanga kwa Kitendo kile lakini
kwa bahati zuri wanachama walitulia na mchezo ukaendelea.
“Lakini licha ya Yanga kuvunja milango
ya Maji Maji katika mchezo ule walichezea kichapo cha bao 1-0 ambalo liliwekwa
kimiani na Tomas Moris mchezaji ambaye wao walimtema.
Wimbo wa Mchaka Mchaka ukipigwa Ni
ishara ya Ushindi Kwa Maji Maji.
“Baba yangu alikuwa mkurugezi wa
Matimila Bendi pia ilikuwa karibu sana na Mzee mwagama kipindi hicho nipo
shule ya msingi kulikuwa na wimbo ambao ilitungwa na Amza Clala chini ya
bendi yake ambao ulifahamika kwa jina la mchaka Mchaka.
“Sasa Maajabu ya wimbo ule ulikuwa
ukipigwa lazima lazima Maji Maji Ipate ushindi pia ilichochea Morali kubwa kwa
timu ya Maji Maji na ikapelekea kupata umaarufu mkubwa.
Maisha nje ya Timu Ya Maji Maji.
“Sasa ivi licha ya kuwa Meneja wa
Timu Ya Maji Maji pia nina vyeo vifuatavyo;kwanza ni katimu mkuu wa chama cha
mpira wa miguu Manispaa ya Songea,pia ni Mwenyekiti wa chama wachezaji
[Suptanza],vile vile ni Mmoja wa wakurugezi kwaenye kituo cha michezo cha Good
hope Sports na katibu mkuu wa Songea Veterani.
 |
| GOD MVULA |
“Mimi nina umri wa Miaka 39 nina mke
na watoto,shughuli zangu ninazozifanya nje ya soka namiriki duka la vifaa vya
michezo pamoja na used sipea pia nanunua vyuma chakavu na mwisho namiriki duka
la vyakula,amaitimisha Mvula ambaye pia nishabiki wa kutupwa kabisa wa Maji
maji FC pamoja na Mshertani wekundu [Mchester United].
 |
| LUOGA MCHEZAJI WA ZAMANI WA MAJI MAJI |
MWISHO
Chapisha Maoni